Алматы облысы, Алатау қаласы, Заречный ықшам ауданында орналасқан ҚР Ұлттық ұланы “Оңтүстік” өңірлік қолбасшылығы 3660 әскери бөлімінің командирі подполковник Ерлік Ерланұлы Оспанкулов Қазақстан Республикасының Президенті Қ.Тоқаевтың 2025 жылғы 8 қыркүйектегі халыққа Жолдауына байланысты өз ойымен бөлісті.
Ұлттық ұланның басты міндеті – қоғамдық тәртіпті сақтау, стратегиялық нысандарды қорғау және халықтың бейбіт өмірін қамтамасыз ету. Әскери қызметшілер үшін бұл – Отан алдындағы қасиетті борыш. Әскер – халықтың қорғаны, мемлекеттің тірегі. Әскери қызметтің өзегі – тәртіп пен жауапкершілік. Әрбір сарбаз заңға бағынуды, елге адал қызмет етуді басты парызы деп білуі қажет. Президент айтқандай, заң үстемдігі мен ұлттық қауіпсіздік – мемлекеттің берік іргетасы. Бұл қағидат тұрақтылықтың кепілі болып табылады.
Алатау қаласы – қарқынды дамып келе жатқан аймақ. Жаңа нысандар салынып, халық саны артып келеді. Осындай жағдайда Ұлттық ұлан мен құқық қорғау органдарының, күзету мекемелерінің үйлесімді жұмысы айрықша маңызды. Қауіпсіздік – тек әскер мен полицияның ғана емес, бүкіл мемлекеттік органдар мен азаматтардың ортақ жауапкершілігі. Осы бағытта бірлескен оқу-жаттығулар өткізіліп, стратегиялық нысандардың қорғалуы қамтамасыз етілуде. Мұндай шаралар тұрғындардың сенімін арттырып, қала тыныштығын күшейтеді.
Әскери қызметшілердің борышын адал атқаруы – жас ұрпаққа үлгі. Әскердегі әрбір сарбаздың жүрегінде «Мен – ел қорғаушысымын» деген сенім орнығуы тиіс. Сонда ғана мемлекетіміздің әтәуелсіздігі нығайып, болашағы баянды болмақ.
«Тәртіп – қауіпсіздік, қауіпсіздік – тәуелсіздік!»
— деп атап өтті 3660 әскери бөлімінің командирі подполковник Ерлік Оспанкулов.
А. Абдыгалиева, лейтенант