Алматы облыстық дін істері басқармасының қолдауымен «Адам және қоғам» қоғамдық бірлестігі мен ҚМДБ-ның облыстағы өкілдігінің ұйымдастыруымен өңір имамдарын 5 күндік оқыту курсы өтті. Мақсаты – имамдарының біліктілігін арттыру, жамағатпен жұмыс жүргізуде жаңа әдістемелік тәсілдерді қолдану, облыстың діндар контингенті арасында діни экстремистік идеологияның таралуының алдын алу. Курстың ашылу рәсімінде облыстық дін істері басқармасының басшысы Ерғали Көшеке, облыстың бас имамы Мадияр Пірімқұлов, әлеуметтанушы Талғат Жақиянов жобаның мақсат-міндетіне тоқталып, маңызын түсіндірді.
Барлық ауданнан 100 имам қатысқан курста дінтану бағыты бойынша гуманитарлық ғылымдар магистрі, Қазақстан Республикасы Ұлттық қауіпсіздік комитетінің терроризмге қарсы дайындық орталығының қызметкері Болат Шорманов, заңгер, заң ғылымдарының магистрі Ұлан Боранбайұлы, «Нұр-Мүбарак» университеті жанындағы діни экстремизмге қарсы іс-қимыл академиясының директоры, РАТТ мүшесі Салтан Сайранұлы, Нұр-Мүбарак университеті исламтану кафедрасының оқытушысы, магистр Нұржан Смағұлов, әлеуметтанушы Талғат Жақиянов, ҚМДБ жанындағы Ислам ғылыми-зерттеу институтының директоры, филология ғылымдарының кандидаты, қауымдастырылған профессор Төрәлі Еділбайұлы, Нұр-Мүбарак Египет ислам мәдениеті университетінің оқытушысы, теология ғ. PhD докторы, РАТТ мүшесі Бауыржан Қуанышбайұлы, дінтанушы, Абай атындағы ҚҰПУ аға оқытушысы, дінтану магистрі Дидар Мамырбаев дәріс оқыды.
Курс аяқталған соң, қатысушыларға біліктілігін арттырғанын растайтын сертификаттар табысталды.
Бақытнұр Нұрмағамбетова,
Алматы облыстық дін саласындағы мәселелерді
зерттеу орталығының дінтанушы маманы
