Дүбірі жер жаһанға жайылған Дүниежүзілік көшпелілер ойындарыныңда ел қоржыны жүлделермен толығуда . Әсіресе төл спортымыз қазақ күресі мен аударыспақтан сенім артқан саңлақтар ел мерейін асқақтатуда. Бүгінге дейін еліміздің ұлттық құрамасы 21 алтын, 10 күміс 17 қола медалмен көш бастап келеді.
Дүниежүзілік көшпелілер ойындарында балаунадарымыз жанкүйерлердің мерейін тасытты. Балуандарымыз қазақ күресінен барлығы 15 медаль алды: 12 алтын, 1 күміс, 2 қола. Айта кетсек, жарыстың бірінші күні боз кілемде күрескен 8 қазақстандық спортшының барлығы да жеңістің биік тұғырына көтерілді. Аударыспақтан да білекті жігіттеріміздің асығы алшысынан түсіп, бес бірдей балауанымыз алтынан алқа тақты. Екінші орында 7 алтын, 9 күміс, 7 қола (23) жүлдемен Қырғызстан спортшылары келе жатса, үздік үштікті 7 алтын, 9 күміс, 8 қола (24) медаль жеңіп алған Өзбекстан спортшылары түйіндеп тұр.Ал төртінші орынға 4 алтын, 4 күміс, 13 қола (21) медаль жеңіп алған Ресей құрамасы ие болса, Мажарыстан құрамасы 1 алтын, 1 күміс, 5 қола (7) медальмен жалпы есепте үздік бесінші орында келеді.Бүгінге дейін жалпы 5-ші Дүниежүзілік көшпенділер ойындарының жүлдесі 26 мемлекеттің спортшыларына бұйырды. Бүгін ел спортшылары 9 спорт түрінен жарыс жолына шығады.
alatauaraiy.kz
