Мемлекет басшысы Қасым-Жомарт Тоқаевтың биылғы Қазақстан халқына Жолдауы – ел дамуының келесі кезеңін айқындайтын стратегиялық құжат ретінде ерекше маңызға ие болды. Мемлекет басшысы халықтың әл-ауқатын арттырумен қатар, экономиканы әртараптандыру, әлеуметтік әділдік, экологиялық қауіпсіздік және құқықтық реформаларды тереңдету мәселелерін нақты көрсетті.
Жолдауда құқықтық мемлекет қағидаттарын нығайтуға айрықша назар аударылды. Президент әділ сот төрелігін қамтамасыз ету, азаматтардың құқықтары мен бостандықтарын тиімді қорғау үшін сот жүйесін цифрландыру, құқық қорғау органдарының ашықтығын арттыру жөнінде жаңа бастамаларды жариялады. Бұл қадамдар заңгер мамандығын таңдаған жастар үшін кәсіби бағыт-бағдар болатыны сөзсіз.
Әлеуметтік салада білім беру сапасын көтеру, жастарға қолжетімді баспана мен жұмыспен қамту бағдарламаларын дамыту мәселелері айтылды. Университетіміздің студенттері үшін бұл – өз әлеуетін жүзеге асыруға кең мүмкіндік беретін маңызды бағдар.
Экономикалық блокта инновациялық өндірістерді, «жасыл» технологияларды қолдау, шағын және орта бизнесті дамытуға басымдық берілді. Сонымен бірге, экология саласындағы жаңа талаптар табиғат ресурстарын ұқыпты пайдалану мәдениетін қалыптастыруға бағытталған.
Біз, Әл-Фараби атындағы Қазақ ұлттық университетінің Заң факультетінің 402 тобының студенттері, Жолдауда белгіленген міндеттерді жүзеге асыруда әр азаматтың белсенді ұстанымы қажет деп санаймыз. Құқықтық мәдениеті жоғары, білімді жастар – мемлекеттің тұрақты дамуының кепілі.
Президент Қасым-Жомарт Тоқаевтың Жолдауы еліміздің болашағына сенім ұялатып, әрқайсымызды жаңа белестерге жетелейді. Ал біз – студенттер, біліміміз бен кәсібилігімізді арттыра отырып, осы стратегиялық мақсаттарды жүзеге асыруға өз үлесімізді қосуға дайынбыз. Өз жасымызда,өзіміздің уақытымызды, мүмкіндіктерімізді қадірлеп, ел ертеңі үшін еңбек сіңіруге дайынбыз.
Қонысбай Бақытгүл Менленқызы,
Әл-Фараби атындағы ҚазҰУ, Заң факультеті, Кедендік, қаржылық және экологиялық құқық кафедрасы, PhD докторы, доцент
Лицензия KZ27LAA00019309
